وين أنت ياللي غبت عن عيني وطولت الغياب

البارق اللي لاح قدم العين في عرض السحاب
انـا أشهـد أنـه متعـب الاقـدام لاعنيتهـا
البارحه عديت أنا والهم في روس الهضـاب
مع غفوة عيـون الخلايـق ليـت ماعديتهـا
قام يحداني هاجسٍ ماكنت أنا أحسب له حساب
والضيقه اللي جاتني مـن خاطـره غنيتهـا
وين أنت ياللي غبت عن عيني وطولت الغياب
ياللي تبى تكحل عيون الحب وأنـت أعميتهـا
ياصاحبي وأن عودت مابه سـؤال بلاجـواب
والمسألـه طالـت قـدم عينـك ولاحليتهـا
وش فيك يابن الناس مدري كل مارسلك كتاب
قـدام خلـق الله قـروه الا أنـت مامريتهـا
هذا جزايه يـوم أداريهـا وألبسهـا الثيـاب
من كثر حبك قـدم كـل النـاس ماعريتهـا
أصوغها لجلك وألبسها عن الخلـق الحجـاب
والخلق تقرا ميـر ماتـدري لمـن سويتهـا
واليوم يومني ضميت أصبحت لي مثل السراب
نشفت ريقي وأرضك لياأقبلـت لـك خليتهـا
وأنا أتبعك من شان عينك كم تحملت العـذاب
والدمعـه اللـي واضحـه فالعيـن ماهليتهـا
من شان لك بالعين صوره مايغطيها الضباب
أخاف مع سيـل الدمـوع تـروح لادنيتهـا
وأكنّ دمع العين وأعذل على القلب المصـاب
وأنته تشوف جروح قلبـي ميـر ماداويتهـا