شعر اتحاد

بسم الله نبدأ




السلام ورحمة الله وبركاته .. ياجماهير العميد الإتحااادي

من عروق الشااعر المبدع وذااته .. باااقه من الورد للروم الحيادي

عشق الإتي مايبي وده وهاااته .. ثابت ٍ فينا بختم ٍ واعتمادي

كل يوم تزيد في قلبي غلاته .. وعشق الإتي غير ؟ ماهو شي عااادي

ملفت الانظار لعبه واااحلاااته .. (( نادي الوطن )) وسـيـّـد للنوادي

كل ماجاااه الخصم صـكـه وشاااته .. قايد ٍ للعب وهــوه مايقاادي

خصمهم دايم بخووف ٍ والتفااته .. خاايف ٍ من مخلب نموور البلااادي

آآسيا تشهد جميعا ً في ثباااته .. دايم ٍ والكاااس للإتي يناااااااادي

جيت كلي شاااعر ٍ مااسك عصاااته .. وانـتـمـائـي لـلـشـعـار الإتـحـادي

---------------------------------------------------------------------------------

الوعد جده ياهل العين واعيد .. الوعده جده والميادين عنوان

انمورنا وقت الملاقا صناديد .. وانشد اذا تعرف جماهير بوسان

بس انتظرنا يوم ضبط المواعيد .. وتشوف في عينك زلازل وبركان

اقولها وقولي يجيكم بتأكيد .. ياكلك الاتي لوّ ماهو بجوعان

----------------------------------------------------------------------------------

اعصاركم قدامه نمور وابطال .. واحذر ترا هرجي صحيح وحقيقه

ياصاحبي مايحجب الشمس غربال .. اركد وصدرك لا يتزايد شهيقه

لو تلعبون بكل الاطرق والاشكال .. درب النمور اليوم محد ٍ يعيقه

نمووورنا لا شافو الكاس يختال .. فوق المنصه ويتلامع بريقه

ياتون لو دونه مسافات واهوال .. وحتى ولو دونه عذاب وحريقه

الخصم نلعب به ونشربه فـ الحال .. نشربه حتى النمر يبتل ريقه

فريقنا خلفه مناعير ورجال .. وتشهد على هرجي جميع الخليقه

هذا كلامي واترك القيل والقال .. ياسعد والله من في جده فريقه

----------------------------------------------------------------------------------

وعدنا بالاردن قدمكم ياهل العين .. ولو كان بالمريخ ماعندنا اشكال

ولا تحسبون النمر بالاردن يلين .. نمرنا يروضكم ولو جات الاهوال

نمور السعوديه بكل الميادين .. تبيّـض وجيه الشعب رجال رجال

ولو كان بأمر النقل محنا براضين .. عزانا ثقتنا تكسب النمر الافعال

شهود ٍ على هرجي بسيئول للحين .. يعانون من صدمه وجا فيهم هبال

وعدنا بعمّـان العرب ياهل العين .. يهزهزكم الاتي كما هز زلزال

عسى الله يزيّن كل الاوضاع وتزين .. وعسى الله يسمّح درب حمزه والابطال

----------------------------------------------------------------------------------

اقولها منول وابقولها الحين .. من مخلب الاتي تبا تطيح مصروع

مسكين ياللي تجهل العلم مسكين .. ماتدري ان النمر ميّـت من الجوع

النمر والله جاك يانادي العين .. ماباقي الا بضعة ايام واسبوع

يبغى يحاصركم من يسار ويمين .. والكاس بإذن الله بالآياد مرفوع

ماهو حكي فاضي ولا هوب تخمين .. حكي ٍ صحيح بكل الافكار موضوع

اهدافنا منها تصيح الملايين .. اهداف تاتي بكل الاشكال والنوع

تشهد على هرجي جميع الميادين .. وكم نادي ٍ من مخلب النمر موجوع

مسكين ياللي طحت بالنمر مسكين .. انشهد انك تمسي الليل مفجوووع

-----------------------------------------------------------------------------------

ياللي تحسب الدرب مفروش بورود .. الدرب قدمك كله اشواك وألغام

الدرب والله كله نمور وفهود .. وبتشوف في ع**** والوعد قداام

الموت قدامك ولا عنه مردود .. لو كان في عمّـان والا بالاهرام

الكاس للاتي ولا عنّـه صدود .. الكاس للاتي كما صار بالعام

وسبيت خاطر لو يراوغ بمجهود .. قدمه ابو زايد على الباب ضرغام

مرزوق حمزه نور كالون وسعود .. ونمورنا جوكم برايات واعلام

اللي يقابلهم على الدوم مقرود .. يشكي ويندب حظه شهور واعوام

يقولها شاعر يقود الشعر قود .. ما يوم والله عن طروق الشعر صام

--------------------------------------------------------------------------------

يالعين منته بقد النمر وفنونه .. النمر ياكلك حبه حبه وحبه

النمر والله بياكلكم على هونه .. مافيه رحمه وناديكم بنلعبه

حنا سياد آسيا والكاس مضمونه .. بإذن الله النمر توفيقه على ربه

جمهور الاتي سحرني بأعذب لحونه .. الآلاف لجل النمور وجات منكبه

نبغى طرب ياجماهير ٍ تعشقونه .. انزلزل الارض والعين انـتلاعبه

حنا رجال النمور ودوم في عونه .. رجال نوقف بوقت الريح والهبه

منصووور فيكم ترا ماخابت ضنونه .. نعشقه نغليه هذا الرجل ونحبه

بو ثامر اللي جماهيره يحبونه .. للعالميه بإذن الله نعبربه

----------------------------------------------------------------------------------

بالله وين اعصاركم ياهل العين .. غاب او تغيب يوم جاكم نمرنا ؟

والله مالوم اعصاركم يوم مايـبـيـن .. لانه عرف وشلون ياتي خطرنا

انمورنا نذرو لنا واوفو الدين .. وقطاركم يالعين لا ما قطرنا

ومبروك زايد لا حصل موقف ٍ شين .. مايوم والله بالملاعب قهرنا

ضرغام في مرماه ثابت ولا يلين .. مبروك له هذا الذي به خبرنا

وجده واهل جده تراهم كريمين .. رجال لا قالو حضرنا حضرنا

ياصالح القرني تجهز من الحين .. وابدع من الكلمات وانشر طربنا

في ملعب الفيصل جماهيرنا تزين .. اتسر شوف العين لامن نظرنا

اتزلزل الملعب من يسار ويمين .. وتهيّـج نمورن لعبهم بهرنا

جمهورنا للسبت ماهم بناسين .. وبإذن الله المعبود يحلى سمرنا

نمورنا والله على الراس والعين .. دايم تقدر صبرنا مع سهرنا

يالاتحاد انته حبيب الملايين .. ونجاااهر بحبك لانك فخرنا

والكاس بإذن الله نشيله بيدين .. ثم نشكر الله يوم ربي نصرنا

والموعد اليابان والله لنا يعين .. نحمل لواء الشعب لامن عبرنا

---------------------------------------------------------------------------------

مبروك مبروك ياشعب السعوديّـه
بالعيد والكاس واليابان موعدنا

نمور الاتي عطونا الكاس عيديّـه
بلون الذهب وسط جده اليوم عيدنا

نمور الاتي في جده ميّـه الميّـه
دايم والاتي على الفرحه معودنا

العالميه وصلناها برباعيّـه
نحمدك يالله ونطلب منك تنصرنا

يالعين هذا النمر يكوي مية كيّـه
ياكلك الاتي غصب وانته ماتاكلنا

الكاس يلمع وعين العين مشقيّـه
مسكين يالعين وش جابك لملعبنا

كلن شهد بالقنوات الفضائيّـه
بفنون الاتي الى اهتزت ملاعبنا

هذا العميد ان لعب يكسب تحديّـه
انمورنا دوم ماتكسر خواطرنا

يسلمووووووو يجنن


انتظر جديييييييدك

يسلموووووووووو

بس انا احب الهلال

الله يسلمكم

والله نفختو راسي

وراسي كبر

شكراااا على الشعر

لا شكرا على واجب
هذا حقكم

انا ماسويت الى الواجب